Xəbərlər arxivi

İyunun 28-də Energetika naziri Pərviz Şahbazov Xaçmaz şəhərində Xaçmaz və Şabran rayonlarından olan vətəndaşları qəbul edəcək.

Enerji Məsələlərini Tənzimləmə Agentliyi (AERA) və DNV GL şirkətinin birgə təşkilatçılığı ilə elektrik stansiyalarında audit mövzusunda təlim keçirilib

Energetika Nazirliyində Almaniya Bundestaqının vitse-prezidenti Tomas Oppermanın başçılıq etdiyi nümayəndə heyəti ilə görüş keçirilib. Görüşdə iki ölkə arasında münasibətlər, enerji əməkdaşlığı və regional məsələlər ətrafında müzakirələr aparılıb.

Respublikada may ayı üzrə gündəlik neft hasilatı 776 min barrel olub. Bunun 699 min barrelini xam neft, 77 min barrelini kondensat təşkil edib. Gündəlik 494 min barrel xam neft, 75 min barrel kondensat, 14 min barrel isə neft məhsulları ixrac edilib.

Cari ilin 13 iyun tarixində Albaniyada Beynəlxalq Enerji Xartiyası Forumu keçiriləcək.

Böyük Britaniya və Şimali İrlandiya Birləşmiş Krallığı hökumətinə məxsus saytda Birgə Hökumətlərarası Komissiyanın cari ilin 22 may tarixində keçirilmiş 3-cü iclasına və Azərbaycan-Böyük Britaniya əlaqələrinin bərpa olunan enerji sahəsində yeni əməkdaşlıqla möhkəmləndirilməsinə həsr olunmuş məqalə yer alıb.

Energetika naziri Pərviz Şahbazov Mərkəzi Azəri platformasına baş çəkib. Nazir BP-nin Azərbaycan, Gürcüstan və Türkiyə üzrə regional prezidenti Qəri Counz, SOCAR-ın yataqların işlənməsi üzrə vitse-prezidenti Yaşar Lətifov və digər nümayəndələrin iştirakı ilə platformanın ərazisinə baxış keçirib, platformanın fəaliyyəti ilə tanış olub.

Enerji Məsələlərinin Tənzimlənməsi üzrə İşçi Qrupunun dördüncü görüşü keçirilib. Azərbaycan Respublikası Energetika Nazirliyi, Enerji Məsələlərini Tənzimləmə Agentliyi, “Azərenerji” ASC, “Azərişıq” ASC, “Azəriqaz” İB və “Azəristiliktəchizat” ASC-nin nümayəndələrindən ibarət İşçi Qrupunun iştirakı ilə “Energetika və kommunal xidmətlər sahələrində tənzimləyici haqqında” Qanun layihəsinin hazırlanması prosesinə dair təqdimatlar edilib. İclasda qanun layihəsi ilə bağlı rəy və təkliflər dinlənilib.

Energetika naziri Pərviz Şahbazovun sədrliyi ilə Energetika Nazirliyində növbəti kollegiya iclası keçirilib. İclasda Energetika Nazirliyi tərəfindən “Azərbaycan Respublikasının energetika sektorunda islahatların sürətləndiirlməsi haqqında” Azərbaycan Respublikası Prezidentinin 2019-cu il 29 may tarixli 1209 nömrəli Sərəncamından irəli gələn vəzifələrin icrasına dair müzakirələr aparılıb.

Energetika Nazirliyində Hindistanın JİTO təşkilatının baş katibi və alternativ enerji sahəsində fəaliyyət göstərən “Refex” qrupunun icraçı direktoru Anil Jainin rəhbərlik etdiyi hindistanlı iş adamlarından ibarət nümayəndə heyəti ilə görüş keçirilib.