Xəbərlər arxivi

Avqustun 30-da Energetika naziri Pərviz Şahbazov Gəncə şəhərində Enerji Məsələlərini Tənzimləmə Agentliyinin Gəncə filialının inzibati binasında vətəndaş qəbulu keçirib. Həmin gün Energetika nazirinin müavini Samir Vəliyev də Goranboy şəhərində vətəndaşları qəbul edib.

Ölkədə istilik təchizatı sisteminin səmərəliliyini artırmaq, istehlakçıların tələbatını etibarlı şəkildə təmin etmək üçün bu sahədə islahatların aparılması ilə bağlı təkliflərin hazırlanması üzrə İşçi Qrupunun növbəti iclası keçirilib. Görüşdə Energetika Nazirinin müavini Samir Vəliyev, Enerji Məsələlərini Tənzimləmə Agentliyinin sədri Samir Axundov, “Azəristiliktəchizat” ASC-nin sədr müavini İlham Mirzəliyev, Almaniyanın VPC şirkətinin nümayəndələri iştirak ediblər.

Energetika naziri Pərviz Şahbazov növbəti dəfə vətəndaş qəbulu keçirib. Nazir Bakı, Sumqayıt, Şirvan şəhərləri, Cəlilabad və Hacıqabul rayonlarından daxil olmuş müraciətlər əsasında nazirlikdə vətəndaşları qəbul edib.

1 saylı “Asan Kommunal” mərkəzində sahibkarların mövcud və ya inşa ediləcək tikinti obyektlərinin elektrik enerjisi ilə təchizatı prosedurunun sadələşdirilməsi məqsədilə yaradılmış Texniki Şuranın növbəti iclası keçirilib.

Energetika naziri Pərviz Şahbazov avqustun 30-da Gəncə şəhərində Gəncə və Göygöl rayonlarından olan vətəndaşları qəbul edəcək. Qəbul saat 11:00-da Energetika Nazirliyinin tabeliyində olan Enerji Məsələlərini Tənzimləmə Agentliyinin Gəncə filialının inzibati binasında (ünvan: Gəncə şəhəri, Kəpəz rayonu, Gəncə-Bakı şossesinin kənarı) keçiriləcək.

Respublikada iyul ayı üzrə gündəlik neft hasilatı 778 min barrel olub. Bunun 704 min barrelini xam neft, 74 min barrelini kondensat təşkil edib. Gündəlik 500 min barrel xam neft, 70 min barrel kondensat, 29 min barrel isə neft məhsulları ixrac edilib.

Avqustun 16-da Energetika nazirinin müavini Elnur Soltanov Gədəbəy şəhərində Gədəbəy və Daşkəsən rayonlarından olan vətəndaşları qəbul edəcək.

Azərbaycan Respublikası Energetika Nazirliyinin tabeliyində olan Enerji Məsələlərini Tənzimləmə Agentliyi daxili nəzarət tədbirlərinin, xidməti araşdırmaların, daxili audit yoxlamalarının və monitorinqlərin həyata keçirilməsi, audit hesabatlarının hazırlanması, daxili nəzarət tədbirləri üzrə Agentliyin fəaliyyətinin təkmilləşdirilməsi və səmərəliliyinin artırılması məqsədilə Daxili audit şöbəsinə aparıcı auditor vakant vəzifəsi üzrə sənəd qəbulu elan edir.

Enerji Məsələlərini Tənzimləmə Agentliyi (AERA) İdarə Heyətinin sədri Samir Axundov Bosniya və Herseqovinanın Dövlət Elektrik Enerjisini Tənzimləmə Komissiyasının (SERC) rəhbəri Suad Jelkoviçi qəbul edib.

İyulun 26-da Energetika naziri Pərviz Şahbazov Şəki şəhərində Enerji Məsələlərini Tənzimləmə Agentliyinin Şəki filialının inzibati binasında vətəndaşları qəbul edib. Qəbulda Şəki və Qax rayonlarının sakinləri iştirak edib.