Xəbərlər arxivi

Energetika Nazirliyində Enerji Məsələlərini Tənzimləmə Agentliyi, Alternativ və Bərpa Olunan Enerji Mənbələri üzrə Dövlət Agentliyinin iştirakı və “Siemens Gamesa” şirkətinin nümayəndələri ilə birgə Azərbaycanın alternativ və bərpa olunan enerji sahəsində əməkdaşlıq imkanları mövzusunda dəyirmi masa keçirilib.

Energetika naziri Pərviz Şahbazov Çində “Kəmər və Yol Energetika Nazirləri Konfransı” çərçivəsində bir sıra görüşlər keçirib. Pərviz Şahbazovu, ilk növbədə, Çinin Milli İnkişaf və İslahatlar Komissiyasının sədr müavini Liang Veiliang və Milli Enerji Administrasiyasının nazir müavini Li Fanrongun daxil olduğu nümayəndə heyəti qəbul edib.

Bu gün Azərbaycan Respublikasının Energetika Nazirliyi və BP arasında kiçik su elektrik stansiyalarının enerji istehsalı göstəricilərinin təkmilləşdirilməsi ilə bağlı Niyyət Məktubu imzalanıb. Niyyət Məktubu Energetika Nazirliyinin Azərbaycanda kiçik su elektrik stansiyalarının enerji istehsalı göstəricilərinin təkmilləşdirilməsi məqsədinin dəstəklənməsini nəzərdə tutur.

Tarix boyu bəşəriyyətin inkişafında mühüm rol oynamış enerji amilinin müasir dünyamızda getdikcə artan əhəmiyyəti ölkələrin enerji təhlükəsizliyinin təminatı problemini XXI əsrin əsas qlobal çağırışlarından birinə çevirib. Bu məsələ enerji istehlakçısı olan ölkələrlə bərabər, istehsalçı ölkələrin də real müstəqilliyinin, dayanıqlı inkişafının başlıca şərti kimi çıxış edir.

Brüsseldə NATO Daimi Nümayəndələrinin Müavinləri Komitəsinin 29+1 formatında ilk dəfə enerji mövzusunda iclas keçirilib. İclasda Azərbaycanı energetika nazirinin müşaviri Esmira Cəfərova təmsil edib.

20 oktyabr “Energetiklər Günü” münasibətlə Azərbaycan Respublikasının Energetika Nazirliyi, “Azərenerji” ASC, və “Azərişıq” ASC-nin rəhbər şəxsləri və əməkdaşları Fəxri Xiyabanda Ümummilli lider Heydər Əliyevin məzarını ziyarət edərək abidəsi önünə əklil qoyublar. Daha sonra görkəmli oftalmoloq alim, akademik Zərifə xanım Əliyevanın və dövlət xadimi Əziz Əliyevin məzarları üzərinə gül dəstələri qoyulub.

Energetika naziri Pərviz Şahbazov Çində keçirilən “Kəmər və Yol Energetika Nazirləri Konfransı”nda çıxış edib. Nazir çıxışında Çin və Azərbaycanın tarixi İpək Yolunun bərpası ilə qitələr və sivilizasiyalar arasında birləşdirici missiya yerinə yetirdiyini, Cənubi-Şərqi Asiya, Afrika və Şərqi Avropanı əhatə edən böyük bir coğrafiyada “Kəmər və Yol” təşəbbüsünün yeni əməkdaşlıq modeli formalaşdırdığını bildirib.

Energetika naziri Pərviz Şahbazov 18 oktyabrda keçiriləcək “Kəmər və Yol Energetika Nazirləri Konfransı”nda iştirak üçün Çinə səfər edib.

Bərpa olunan enerji mənbələrindən istifadəni genişləndirmək məqsədilə Azərbaycan Respublikasının Energetika Nazirliyi ilə Birləşmiş Ərəb Əmirliklərinin “Masdar” şirkəti arasında Fəaliyyət üçün Çərçivə sənədi imzalanıb.

Azərbaycan Respublikasının Energetika Nazirliyi vakant dövlət qulluğu vəzifələrinin tutulması üçün müsabiqə üzrə müsahibə elan edir.