Xəbərlər arxivi

2019-cu ilin II rübü üzrə Energetika Nazirliyi tərəfindən ixrac nəzarətinə düşən malların (işlərin, xidmətlərin, əqli fəaliyyətin nəticələrinin) ixracı, idxalı və tranziti üzrə 52 icazə verilib. Bu icazələrdən 44-ü ixrac nəzarətinə düşən malların idxalı, 1-i ixrac nəzarətinə düşən malların ixracı, 7-i isə ixrac nəzarətinə düşən malların tranziti ilə bağlı olub.

Enerji Məsələlərini Tənzimləmə Agentliyi (AERA), Avropa Yenidənqurma və İnkişaf Bankı (AYİB) və DNV GL şirkətinin birgə təşkilatçılığı ilə şəbəkələrdə elektrik enerjisinin itkiləri mövzusunda təlim keçirilib.

2019-cu ilin 6 ayı ərzində Energetika Nazirliyinin Çağrı Mərkəzi tərəfindən 830 zəng qəbul edilib.

Energetika Nazirliyində BMT İnkişaf Proqramının Rezident nümayəndəsinin müavini Yuliya Şçerbininanın rəhbərlik etdiyi nümayəndə heyəti arasında görüş keçirilib.

2019-cu ilin I yarısında Energetika Nazirliyinin əlaqələndirici və 23 tədbir üzrə əsas icraçı olduğu “Azərbaycan Respublikasında kommunal xidmətlərin (elektrik və istilik enerjisi, su və qaz) inkişafına dair Strateji Yol Xəritəsi” üzrə işçi qrupunun 2, strateji yol xəritəsinin prioritetləri üzrə alt işçi qruplarının isə 4 iclası keçirilib. İclaslarda strateji yol xəritəsinin Tədbirlər Planında 2018-2019-cu illərdə icrası nəzərdə tutulmuş tədbirlər, eləcə də monitorinq və qiymətləndirmə sualları ilə bağlı müzakirələr aparılıb, görülmüş işlər nəzərdən keçirilib,

Vyanada ”OPEC plus” nazirlərinin 6-cı görüşündə əvvəlcə OPEC və qeyri-OPEC ölkələri arasında uzunmüddətli əməkdaşlığa dair Xartiya qəbul olunub.

Bu gün Vyanada ”OPEC plus” Nazirlərinin Birgə Monitorinq Komitəsinin 15-ci iclasında mövcud kvotalara dəyişiklik edilmədən neft hasilatının azaldılmasına dair “Əməkdaşlıq Bəyannaməsi”nin icra müddətinin daha 9 ay uzadılması təklif edilib.

Neft İxrac Edən Ölkələr Təşkilatının (OPEC) Baş katibi Məhəmməd Sanusi Barkindonun dəvəti ilə Energetika naziri Pərviz Şahbazov 30 iyun tarixində Avstriyanın paytaxtı Vyana şəhərinə səfər edəcək

İyunun 28-də Energetika naziri Pərviz Şahbazov Xaçmaz şəhərində Enerji Məsələlərini Tənzimləmə Agentliyinin Xaçmaz filialının inzibati binasında vətəndaşları qəbul edib. Qəbulda Xaçmaz və Şabran rayonlarının sakinləri iştirak edib.

Energetika Nazirliyində bir sıra dövlət qurumlarının, BMT İnkişaf proqramı və DNV-GL beynəlxalq məsləhətçi şirkətin nümayəndələrinin iştirakı ilə “Azərbaycanda kiçik miqyaslı bərpa olunan enerji üçün əlverişli siyasi çərçivənin tətbiqinə dəstək” mövzusunda tədbir keçirilib.