Zaur Ələkbər oğlu Məmmədov

1974-cü ildə Bakı şəhərində anadan olub.

1997-ci ildə Azərbaycan Texnologiya Universitetini mühəndis-mexanik ixtisası üzrə bitirib. 2004-2006-cı illərdə Norveçdə Enerji Effektivliyi üzrə ixtisasartırma proqramını uğurla başa vurub.

1993-2022-ci illərdə telekommunikasiya, ətraf mühit və sosial təsirlər, enerji səmərəliliyi, sənaye inkişafı və tikinti, sənaye zonalarının yaradılması, “yaşıl enerji” keçidi və bərpa olunan enerjinin inkişafı, dekarbonizasiya və aşağı karbon texnologiyaları sahələrində peşəkar təcrübə qazanıb.

“Azərenerji” ASC-də ekologiya idarəsinin rəisi, “Azenco” ASC-nin İdarə heyətinin sədr müavini və Strateji İnkişaf İdarəsinin rəisi vəzifəsində fəaliyyət göstərib. Azərbaycan Respublikası İqtisadiyyat Nazirliyinin tabeliyində olan “Sumqayıt Kimya Sənaye Parkı” MMC-nin direktoru vəzifəsində çalışıb. Azərbaycan Respublikası Energetika Nazirliyində nazirin müşaviri kimi fəaliyyətə başlayıb, daha sonra isə aparatın rəhbəri vəzifəsinə təyin edilib. 

Azərbaycan, türk, rus və ingilis dillərində sərbəst danışır.

Ailəlidir,  2 övladı var.

Telefon: (+99412) 598-16-53/55

E-poçt: zaur.mammadov@minenergy.gov.az

Xalidə Məhəmməd qızı Məsimova

1961-ci ildə Oğuz rayonunda anadan olub.

1983-cü ildə Azərbaycan Xalq Təsərrüfatı İnstitutunu iqtisadçı ixtisası üzrə bitirib.

1984-1995-ci illərdə müxtəlif qurumlarda təlimatçı, sədr müavini, sədr, katib, birinci katib vəzifələrində işləyib.

1997-2005-ci illərdə Azərbaycan Respublikası Nazirlər Kabineti, Dövlət Əmlakı Nazirliyi, İqtisadi İnkişaf Nazirliyi, Standartlaşdırma, Metrologiya və Patent üzrə Dövlət Agentliyində rəhbər vəzifələrdə çalışıb.

2006-2014-cü illərdə Azərbaycan Respublikası Sənaye və Energetika Nazirliyində, 2014-2022-ci illərdə isə Energetika Nazirliyində şöbə müdiri, nazirin müşaviri vəzifələrində işləyib.

15 mart 2022-ci il tarixindən Azərbaycan Respublikası Energetika Nazirliyində Aparat rəhbərinin müavinidir.

Dövlət qulluğunun müşaviridir.

Azərbaycan və rus dillərində sərbəst danışır.

Telefon: (+99412) 598-16-53/54

E-poçt: xalide.mesimova@minenergy.gov.az

Rzayev Rauf Zeynal oğlu

4 mart 1978-ci ildə Kürdəmir rayonunda anadan olub.

1999-cu ildə Azərbaycan Dövlət Neft Akademiyasının “Mühəndis iqtisadiyyatı, yanacaq-enerji kompleksi sənayesinin iqtisadiyyatı və idarə edilməsi” ixtisasını bakalavr pilləsi üzrə, 2001-ci ildə isə “Mühəndis iqtisadiyyatı və idarəetmə, istehsalat və xidmət sahələrinin iqtisadiyyatı və idarəedilməsi (Neftqazçıxarma sahəsi)” ixtisasını magistr pilləsi üzrə bitirib.

1999-cu ildən əmək fəaliyyətinə başlayıb.

2005-2012-ci illərdə İqtisadiyyat Nazirliyinin İqtisadi İslahatlar Elmi-Tədqiqat İnstitutunda baş mütəxəssis, şöbə müdiri vəzifələrində işləyib.

2012-2014-cü illərdə Azərbaycan Respublikasının Sənaye və Energetika Nazirliyinin Alternativ və Bərpa Olunan Enerji Mənbələri üzrə Dövlət Agentliyində şöbə müdirinin müavini vəzifəsində çalışıb.

2014-2016-cı illərdə BMT-nin Sənaye İnkişafı Təşkilatı (UNIDO) tərəfindən həyata keçirilən  “Resurs səmərəliliyi və daha təmiz istehsal” layihəsinin milli koordinatoru olub.

2017-2018-ci illərdə Azərbaycan Respublikasının Alternativ və Bərpa Olunan Enerji Mənbələri üzrə Dövlət Agentliyində şöbə müdiri vəzifəsində işləyib.

2018-2023-cü illərdə Azərbaycan Respublikası Energetika Nazirliyində nazirin köməkçisi (katiblik və idarəetmə işləri üzrə) vəzifəsində işləyib.

22 avqust 2023-cü il tarixindən Azərbaycan Respublikası Energetika Nazirliyində Aparat rəhbərinin müavinidir.

Dövlət qulluğunun müşaviridir.

Azərbaycan, rus və ingilis dillərini bilir.

Ailəlidir, 2 övladı var.

Telefon: (+99412) 598-16-53/54

E-poçt: rauf.rzayev@minenergy.gov.az