Xəbərlər arxivi

Energetika naziri Pərviz Şahbazov Mərkəzi Azəri platformasına baş çəkib. Nazir BP-nin Azərbaycan, Gürcüstan və Türkiyə üzrə regional prezidenti Qəri Counz, SOCAR-ın yataqların işlənməsi üzrə vitse-prezidenti Yaşar Lətifov və digər nümayəndələrin iştirakı ilə platformanın ərazisinə baxış keçirib, platformanın fəaliyyəti ilə tanış olub.

Enerji Məsələlərinin Tənzimlənməsi üzrə İşçi Qrupunun dördüncü görüşü keçirilib. Azərbaycan Respublikası Energetika Nazirliyi, Enerji Məsələlərini Tənzimləmə Agentliyi, “Azərenerji” ASC, “Azərişıq” ASC, “Azəriqaz” İB və “Azəristiliktəchizat” ASC-nin nümayəndələrindən ibarət İşçi Qrupunun iştirakı ilə “Energetika və kommunal xidmətlər sahələrində tənzimləyici haqqında” Qanun layihəsinin hazırlanması prosesinə dair təqdimatlar edilib. İclasda qanun layihəsi ilə bağlı rəy və təkliflər dinlənilib.

Energetika naziri Pərviz Şahbazovun sədrliyi ilə Energetika Nazirliyində növbəti kollegiya iclası keçirilib. İclasda Energetika Nazirliyi tərəfindən “Azərbaycan Respublikasının energetika sektorunda islahatların sürətləndiirlməsi haqqında” Azərbaycan Respublikası Prezidentinin 2019-cu il 29 may tarixli 1209 nömrəli Sərəncamından irəli gələn vəzifələrin icrasına dair müzakirələr aparılıb.

Energetika Nazirliyində Hindistanın JİTO təşkilatının baş katibi və alternativ enerji sahəsində fəaliyyət göstərən “Refex” qrupunun icraçı direktoru Anil Jainin rəhbərlik etdiyi hindistanlı iş adamlarından ibarət nümayəndə heyəti ilə görüş keçirilib.

Azərbaycan Respublikasının Energetika naziri Pərviz Şahbazov aidiyyəti struktur bölmələrin nümayəndələrinin iştirakı ilə Energetika Nazirliyində vətəndaşları qəbul edib. Qəbulda Bakının Qaradağ və Nizami rayonundan, eləcə də Şirvan şəhərindən olan 10-a yaxın vətəndaş iştirak edib.

Energetika naziri Pərviz Şahbazov mayın 31-də Lənkəranda Enerji Məsələlərini Tənzimləmə Agentliyinin Lənkəran filialının inzibati binasında vətəndaşları qəbul edib.

Energetika naziri Pərviz Şahbazov 26-cı Beynəlxalq “Xəzər Neft və Qaz” konfransında çıxış edib.

Energetika naziri Pərviz Şahbazov 26-cı Beynəlxalq “Xəzər Neft və Qaz “Sərgisi çərçivəsində ölkəmizdə səfərdə olan “Equinor” şirkətinin beynəlxalq kəşfiyyat üzrə Baş Vitse-prezidenti Tore Loset ilə görüşüb.

Energetika naziri Pərviz Şahbazovla ABŞ Dövlət katibi köməkçisinin birinci müavini Kent Loqsdonun rəhbərlik etdiyi nümayəndə heyəti arasında görüş keçirilib. Görüşdə 26-cı Beynəlxalq “Xəzər Neft və Qaz-2019” sərgisi, iki ölkə arasında enerji sahəsində əməkdaşlıq, “Cənub Qaz Dəhlizi” layihəsi və Azərbaycanda energetika sektorunda həyata keçirilən son tədbirlərlə bağlı müzakirələr aparılıb.

Mayın 27-də Energetika nazirinin müavinləri Samir Vəliyev Masallı və Yardımlı, nazir müavini Elnur Soltanov isə Lerik rayonlarından olan vətəndaşları qəbul ediblər.