Xəbərlər arxivi

Azərbaycanda sentyabr ayı üzrə gündəlik neft hasilatı 796 min barrel olub. Bunun 725 min barrelini xam neft, 71 min barrelini kondensat təşkil edib. Gündəlik 599 min barrel xam neft, 71 min barrel kondensat, 7 min barrel isə neft məhsulları ixrac edilib.

Energetika naziri Pərviz Şahbazov ABŞ Dövlət katibinin Avropa və Avrasiya məsələləri üzrə müavininin yeni təyin olunmuş müşaviri Corc Kentin başçılıq etdiyi nümayəndə heyəti ilə görüşüb. Görüşdə Azərbaycan ilə ABŞ arasında ikitərəfli münasibətlərin enerji sahəsində uğurla inkişaf etdiyi bildirilib.

Energetika Nazirliyinin təşəbbüsü, bir sıra dövlət qurumları və xarici ekspertlərin iştirakı ilə Finlandiyanın “Vartsila” Korporasiyası tərəfindən “Ağıllı Enerji / Gələcək Enerji Sistemi” mövzusunda seminar keçirilib.

Azərbaycan Respublikasının energetika naziri Pərviz Şahbazov “Rusiya enerji həftəsi” adlı Beynəlxalq Forum çərçivəsində “Siemens” şirkətinin təşkil etdiyi “Enerji sisteminin gələcəyi” adlı tədbirdə iştirak edib.

Energetika Nazirliyi və Avropa Komissiyasının birgə təşkilatçılığı ilə Texniki yardım və Məlumat mübadiləsi (TAİEX) proqramı çərçivəsində enerji tarifləri metodologiyasının hazırlanması ilə bağlı seminar öz işinə başlayıb.

Azərbaycanın energetika naziri Pərviz Şahbazov “Rusiya enerji həftəsi” adlı Beynəlxalq Forum çərçivəsində bir sıra görüşlər keçirib. Macarıstanın xarici işlər naziri və ticarət naziri Peter Siyarto ilə görüşdə “Cənub Qaz Dəhlizi”nin icra vəziyyəti, genişləndirilmə perspektivləri və növbəti mərhələdə ötürücülük qabiliyyətinin artırılması məsələləri müzakirə edilib.

Rusiya Federasiyasının energetika naziri Aleksandr Novakın dəvəti ilə Moskvada səfərdə olan energetika naziri Pərviz Şahbazov “Rusiya enerji həftəsi” adlı Beynəlxalq Forumda iştirak edib.

Sabah Moskvada “Rusiya enerji həftəsi” adlı Beynəlxalq Forum çərçivəsində Azərbaycanla Rusiya arasında elektroenergetika sahəsində əməkdaşlığa dair işçi qrupunun iclası keçiriləcək.

Energetika naziri Pərviz Şahbazov Rusiya Federasiyasının energetika naziri Aleksandr Novakın dəvəti ilə “Rusiya enerji həftəsi” adlı Beynəlxalq Forumda iştirak üçün Moskvaya səfər edib. Energetika nazirinin oktyabrın 3-də “Rusiya Enerji Həftəsi”ndə “Energetikanın tənzimlənməsində effektivlik: ölkələrin ümumi və fərqli yanaşmaları“ mövzusunda çıxışı nəzərdə tutulub.

Enerji Məsələlərini Tənzimləmə Agentliyinin fəaliyyəti dövründə sahibkarlıq obyektlərinin elektrik şəbəkəsinə qoşulması ilə bağlı “ASAN Kommunal” və “ASAN Xidmət” Mərkəzlərində fəaliyyət göstərən Texniki Şuralara sahibkarlar tərəfindən 558 müraciət daxil olub.