Xəbərlər arxivi

Cari ilin 17-18 mart tarixlərində Bakıda keçiriləcək OPEC və qeyri-OPEC ölkələrinin Müştərək Texniki Komissiyasının (JTC) 27-ci və Nazirlərin Birgə Monitorinq Komitəsinin (JMMC) 13-cü iclasları keçiriləcək. İndiyə kimi 14 ölkənin yüksək səviyyədə iştirakı təsdiqlənib.

Azərbaycan Respublikası Energetika Nazirliyi tərəfindən müəyyən olunmuş qəbul qrafikinə uyğun olaraq, energetika naziri Pərviz Şahbazov Bakı, Sumqayıt şəhərləri, Şəmkir və Quba rayonlarından daxil olmuş müraciətlər əsasında nazirlikdə vətəndaşları qəbul edib.

Azərbaycanda fevral ayı üzrə gündəlik neft hasilatı 806 min barrel olub. Bunun 722 min barrelini xam neft, 84 min barrelini kondensat təşkil edib. Gündəlik 572,9 min barrel xam neft, 84 min barrel kondensat, 18 min barrel isə neft məhsulları ixrac edilib.

Azərbaycan Respublikası Enerji Məsələlərini Tənzimləmə Agentliyinin fəaliyyətinə dəstək layihəsi çərçivəsində Avropa Yenidənqurma və İnkişaf Bankının (AYİB) maliyyə dəstəyi ilə cəlb edilmiş ekspertlər tərəfindən təqdim edilən təkliflərin müzakirəsi, hüquqi aktların layihələrinin və digər sənədlərin mütəmadi təkmilləşdirilməsi üçün tədbirlərin həyata keçirilməsi məqsədilə yaradılmış İşçi Qrupunun iclası keçirilib.

Energetika Nazirliyində energetika naziri Pərviz Şahbazovla Asiya İnkişaf Bankının icraçı direktoru Toni Makdonald arasında görüş keçirilib.

Enerji Məsələlərini Tənzimləmə Agentliyi və “Ernst&Young” şirkətinin təşkilatçılığı ilə “Enerji bazarı islahatı” və “Enerji alqı-satqı müqavilələri” mövzusunda seminar keçirilib. Tədbirdə Avropa İttifaqı ölkələrində bu sahədə tətbiq edilən təcrübə barədə geniş dinləmələr keçirilib.

Energetika Nazirliyində Avropa Yenidənqurma və İnkişaf Bankının (AYİB) prezidenti Suma Çakrabartinin başçılıq etdiyi nümayəndə heyəti ilə görüş keçirilib.

Energetika Nazirliyində ATƏT PA yanında İtaliya nümayəndə heyətinin sədri, İtaliya Deputatlar Palatasında Xarici Əlaqələr Komissiyasının sədr müavini Paolo Qrimoldininin başçılıq etdiyi nümayəndə heyəti ilə görüş keçirilib.

Paytaxt Bakı şəhəri üzrə 2018-ci il ərzində orta hesabla istehlakçıya elektrik enerjisinin verilişində yaranmış fasilənin müddəti (SAIDI göstəricisi ilə) 0,86 saat təşkil edib.

Energetika naziri Pərviz Şahbazov Səudiyyə Ərəbistanı Krallığının Baş İnvestisiya Qurumunun rəhbəri, Səudiyyə Ərəbistanı-Azərbaycan Hökumətlərarası birgə Komissiyasının həmsədri İbrahim bin Əbdülrəhman əl-Ömərin başçılıq etdiyi nümayəndə heyətini qəbul edib. Görüşdə tarixi köklərə malik, dostluğa əsaslanan ikitərəfli münasibətlərin iqtisadi, o cümlədən enerji sahəsində inkişafı, yeni əməkdaşlıq istiqamətlərinin müəyyənləşdirilməsi və investisyaların cəlbi ilə bağlı məsələlər müzakirə edilib.