Xəbərlər arxivi

Neft İxrac Edən Ölkələr Təşkilatının (OPEC) Baş katibi Məhəmməd Sanusi Barkindonun dəvəti ilə Energetika naziri Pərviz Şahbazov Avstriyanın paytaxtı Vyana şəhərinə səfər edib. Nazir dekabrın 6-da keçiriləcək OPEC və qeyri-OPEC ölkələri nazirlərinin 7-ci görüşündə iştirak edəcək.

Energetika naziri Pərviz Şahbazov Ekvatorial Qvineyanın paytaxtı Malaboda keçirilən Qaz İxrac edən Ölkələr Forumunun (Gas Exporting Countries Forum-GECF) V Sammiti və Nazirlər Görüşündə iştirak edib. Energetika naziri iştirakçılara Azərbaycan Respublikası Prezidentinin salamlarını və V Sammitin işə başlaması münasibətilə təbrik sözlərini çatdırıb.

Beynəlxalq Bərpa olunan Enerji Agentliyinin (İRENA) təşkilatçılığı, Energetika Nazirliyi, bir sıra dövlət qurumları, beynəlxalq təşkilatların nümayəndələri və ekspertlərin iştirakı ilə “Azərbaycanda Bərpa Olunan Enerjiyə hazırlığın qiymətləndirilməsi” layihəsinin yekun hesabatı ilə bağlı tədbir keçirilib.

Energetika naziri Pərviz Şahbazov Qaz İxrac edən Ölkələr Forumunun (Gas Exporting Countries Forum-GECF) tədbirlərində iştirak məqsədilə Ekvatorial Qvineyaya səfər edib.

Energetika Nazirliyində Avropa İttifaqı Qonşuluq Siyasəti və Şərq Tərəfdaşlığı çərçivəsində Azərbaycanla əməkdaşlıq məsələləri ilə tanış olmaq məqsədi ilə Bakıda səfərdə olan fransalı deputatlardan ibarət nümayəndə heyəti ilə görüş keçirilib.

Energetika Nazirliyində “Azərbaycan Respublikasının energetika sektorunun uzunmüddətli inkişaf Strategiyası” layihəsinin hazırlanması məqsədilə yaradılmış Ekspertlər qrupunun ilk iclası keçirilib. İclasda Avropa İttifaqının “Energetika sektorunun inkişafı məqsədilə Azərbaycan hökumətinə dəstək layihəsi”nin ilkin hesabatı təqdim edilib.

Dekabrın 10-da Energetika naziri Pərviz Şahbazov Yevlax şəhərində vətəndaşları qəbul edəcək. Qəbul saat 11:00-da Yevlax şəhər Heydər Əliyev Mərkəzində (ünvan: Nizami prospekti 61) keçiriləcək.

ABŞ-da səfərdə olan Energetika naziri Pərviz Şahbazov Ağ Evin Milli Təhlükəsizlik Şurasında Beynəlxalq İqtisadiyyat, Enerji və İqlim üzrə Baş direktor Vels Qriffit ilə görüşüb. Görüşdə iki ölkə arasında yüksək səviyyədə olan əlaqələrin uğurlu inkişafından məmnunluq ifadə edilib

Energetika naziri Pərviz Şahbazov Vaşinqtonda Xəzər Siyasət Mərkəzinin təşkilatçılığı və ABŞ-ın yüksək səviyyəli hökumət nümayəndələrinin iştirakı ilə keçirilən “Əsrin müqaviləsi: 25 illik uğurlu fəaliyyət” adlı tədbirdə çıxış edib.

Energetika naziri Pərviz Şahbazov ABŞ-a səfəri çərçivəsində Prezident Donald Tramp tərəfindən Birləşmiş Ştatların Enerji Katibi vəzifəsinə namizədliyi irəli sürülmüş Dan Brullet ilə görüşüb. Görüşdə enerji sahəsində əməkdaşlığın, eləcə də Birləşmiş Ştatların Azərbaycanın həyata keçirdiyi enerji layihələrinə davamlı dəstəyinin iki ölkə arasında münasibətlərin inkişafına, regional və qlobal təhlükəsizliyə töhfələri müzakirə edilib.