Xəbərlər arxivi

Azərbaycan Respublikası Energetika Nazirliyinin tabeliyində olan Enerji Məsələlərini Tənzimləmə Agentliyi elektrik və istilik enerjisinin, habelə qazın qiymətlərinin (tariflərinin) bazar iqtisadiyyatının tələblərinə uyğunlaşdırılması, ölkədə enerji sahəsində vahid qiymət (tarif) siyasətinin formalaşdırılması məqsədilə İqtisadi təhlil, tarif və statistika şöbəsinə aparıcı analitik vakant vəzifəsi üzrə sənəd qəbulu elan edir. Sənəd qəbulu 15 iyun 2018-ci il tarixinədək davam edəcək.

Energetika Nazirliyində energetika sektorunun inkişafına dair strateji sənədlərin hazırlanması metodologiyası ilə bağlı Avropa İttifaqının ekspertləri və “Azərenerji” ASC, “Azərişıq” ASC və “Azəristiliktəchizat” ASC və SOCAR-ın nümayəndələrinin iştirakı ilə seminar keçirilib.

Energetika Nazirliyi Neft İxrac Edən Ölkələr Təşkilatına (OPEC) üzv olan və kartelə daxil olmayan ölkələr arasında neft hasilatının azaldılması ilə bağlı əldə olunmuş razılaşmaya uyğun olaraq Azərbaycan üzrə cari ilin aprel ayı ərzində gündəlik neft hasilatı ilə bağlı məlumatları OPEC-in Birgə Monitorinq Komitəsinin Müştərək Texniki Komissiyasına təqdim edib.

Energetika naziri Pərviz Şahbazovla Avropa İttifaqı–Azərbaycan Parlament Əməkdaşlıq Komitəsinin sədri Sayyad Kərimin başçılıq etdiyi nümayəndə heyəti arasında görüş keçirilib. Görüşdə Azərbaycanla Avropa İttifaqı arasında müxtəlif sahələrdə, o cümlədən enerji sektorunda əməkdaşlığın yüksək səviyyədə olduğu qeyd edilib.

Xalqımızın ümummilli lideri Heydər Əliyevin anadan olmasının 95 illiyi münasibətilə Energetika Nazirliyində tədbir keçirilib.

Malik olduğu liderlik dühası, xalqı və dövlət qarşısındakı misilsiz xidmətləri ilə ölkəmizi regionun əsas inkişaf mərkəzinə çevirən, Azərbaycana Avropanın enerji təhlükəsizliyinin etibarlı təminatçısı, qitələri birləşdirən kommunikasiya qovşağı, mədəniyyətlərarası dialoq məkanı statusu qazandıran Ümummilli Lider, Ulu Öndər Heydər Əliyevin anadan olmasının 95-ci ildönümü tamam olur.

Energetika naziri Pərviz Şahbazovun rəhbərlik etdiyi nümayəndə heyəti 6-7 may 2018-ci il tarixində İran İslam Respublikasında səfərdə olub.

Bu gün Azərbaycan Respublikasının Energetika Nazirliyində Azərbaycan, İran və Rusiya elektroenergetika sistemlərinin birləşdirilməsi məsələsinin müzakirəsi məqsədilə üç ölkənin energetika nazirləri müavinlərinin görüşü keçirilib.

Cari ilin yanvar-aprel ayları ərzində Azərbaycan Respublikasının Energetika Nazirliyinə və nazirliyin tabeliyində olan Enerji Məsələlərini Tənzimləmə Agentliyinə istehlakçıların hüquqlarının qorunması, abonentlərin elektrik enerjisi və qazla təchizatı ilə əlaqədar 599 ərizə və müraciət daxil olub. 87 müraciət “Qaynar xətt” (“Onlayn müraciət”), 512 müraciət isə poçt vasitəsilə qəbul edilib.

Bu gün Rusiya Federasiyasının Soçi şəhərində Enerji Məsələlərini Tənzimləmə Orqanlarının Regional Birliyinin (ERRA) iclası keçirilib.