Xəbərlər arxivi

Energetika Nazirliyində “Equinor” şirkətinin baş vitse-prezidenti Erik Vaernessin rəhbərlik etdiyi nümayəndə heyəti ilə görüş keçirilib. Energetika nazirinin müavini Samir Vəliyev Azərbaycana sərmayə qoyan ilk xarici neft şirkətlərindən biri kimi Equinor (əvvəlki “Statoil”) şirkətinin ölkəmizdə uzunmüddətli fəaliyyətini yüksək qiymətləndirib. Bildirilib ki, “Equinor” şirkəti ilə “Qarabağ” yatağı, Əşrəfi-Dan Ulduzu-Aypara sahəsi üzrə əməkdaşlıqla yanaşı, bərpa olunan enerji sahəsinin inkişafında birgə layihələrin həyata keçirilməsi də prioritet istiqamətlərdəndir.

Energetika Nazirliyində Beynəlxalq Maliyyə Korporasiyasının (İFC) nümayəndə heyəti ilə bərpa olunan enerjinin inkişafı və səmərəli, rəqabətədavamlı enerji bazarının yaradılması istiqamətində əməkdaşlıq perspektivləri müzakirə edilib.

Energetika Nazirliyində Almaniya Federativ Respublikasının Federal İqtisadiyyat və Energetika Nazirliyində dövlət katibi Tomas Baraysın başçılıq etdiyi nümayəndə heyəti ilə görüş keçirilib.

Energetika Nazirliyində sahibkarlıq subyektlərinin elektrik təchizatı şəbəkələrinə qoşulmasının yeni qaydaları ilə bağlı bir sıra dövlət qurumları, beynəlxalq və qeyri-hökumət təşkilatlarının, məsləhətçi və hüquq şirkətlərinin nümayəndələrinin iştirakı ilə dəyirmi masa keçirilib.

OPEC və qeyri-OPEC ölkələrinin Birgə Texniki Komissiyasının (JTC) 27-ci iclası və Nazirlərin Birgə Monitorinq Komitəsinin (JMMC) 13-cü iclasının Bakıda keçirilmə tarixləri razılaşdırılıb.

Energetika Nazirliyində Asiya İnkişaf Bankı, məsləhətçi şirkət və bir sıra dövlət qurumlarının nümayəndələrinin iştirakı ilə “Üzən günəş panelləri sisteminin inkişafına dair biliklərin mübadiləsi və texniki yardım dəstəyi” pilot layihəsi üzrə İşçi Qrupunun ilk iclası keçirilib.

Azərbaycan Respublikasının Energetika Nazirliyində 20 Yanvar faciəsinin 29-cu ildönümü münasibətilə anım mərasimi keçirilib. Mərasim Azərbaycanın müstəqilliyi və ölkəmizin ərazi bütövlüyü uğrunda canlarını qurban vermiş qəhrəman vətən övladlarının xatirəsinə bir dəqiqəlik sükutla başlanıb

Energetika Nazirliyinin təşkilatçılığı, bir sıra dövlət qurumlarının nümayəndələri və beynəlxalq ekspertlərin iştirakı ilə “Azərbaycanda bərpa olunan enerji mənbələri üzrə qanunvericilik bazası və şəbəkənin təkmilləşdirilməsi” mövzusunda tədbir keçirilib.

Energetika Nazirliyi və beynəlxalq ekspertlərin iştirakı ilə Texniki yardım və Məlumat mübadiləsi (TAİEX) aləti çərçivəsində enerji bazarının konsepsiyası, dizaynı və idarə edilməsi ilə bağlı seminar öz işinə başlayıb

150 kVt-a qədər sahibkarlıq obyektlərinin elektrik şəbəkəsinə qoşulması üçün yerləşdiyi rayonundan asılı olmayaraq kiçik və orta biznes evləri (KOB), “ASAN Kommunal” və “ASAN xidmət” mərkəzlərinə yaxınlaşmaq kifayətdir.