Energetika naziri “OPEC plus” tədbiri çərçivəsində bir sıra görüşlər keçirib

Bakıda OPEC və qeyri-OPEC ölkələri Nazirlərinin Birgə Monitorinq Komitəsinin 13-cü iclası çərçivəsində energetika naziri Pərviz Şahbazov OPEC prezidenti Venesuelanın neft naziri və Dövlət Neft Şirkətinin prezidenti Manuel Kevedo Fernandes, Birləşmiş Ərəb Əmirliklərinin energetika və sənaye naziri Suheyl əl-Mazrui, İraqın baş nazirinin müavini, neft naziri Tamer əl-Qadban və Əlcəzairin “Sonatrach” neft və qaz şirkətinin icraçı direktoru Əbdülmömin Uld Qaddur ilə görüşüb.

Energetika Nazirliyi Səudiyyə Ərəbistanının “ACWA POWER” şirkəti ilə əməkdaşlıq memorandumu imzalayıb

Bakıda OPEC və qeyri-OPEC ölkələrinin Müştərək Texniki Komissiyasının (JTC) 27-ci və Nazirlərin Birgə Monitorinq Komitəsinin iclası çərçivəsində Energetika Nazirliyi ilə Səudiyyə Ərəbistanının “ACWA POWER” şirkəti arasında əməkdaşlıq haqqında memorandumu imzalanıb. Sənədi energetika nazirinin müavini Samir Vəliyev və “ACWA POWER” şirkətinin direktoru Ayad Əl Amri imzalayıb.

Energetika naziri Kanada Baş nazirinin Aİ və Avropa məsələləri üzrə xüsusi elçisi, Kanadanın Almaniyadakı səfirini qəbul edib

Energetika Nazirliyində Kanada Baş nazirinin Avropa İttifaqı və Avropa məsələləri üzrə xüsusi elçisi, Kanadanın Almaniyadakı səfirini cənab Stefan Dionun rəhbərlik etdiyi nümayəndə heyəti ilə görüş keçirilib. Görüşdə Azərbaycan və Kanadanın neft və qaz sənayesi, iki ölkə arasında bu sahədə əməkdaşlıq imkanları müzakirə olunub.

Energetika naziri vətəndaşları qəbul edib

Azərbaycan Respublikası Energetika Nazirliyi tərəfindən müəyyən olunmuş qəbul qrafikinə uyğun olaraq, energetika naziri Pərviz Şahbazov Bakı, Sumqayıt şəhərləri, Şəmkir və Quba rayonlarından daxil olmuş müraciətlər əsasında nazirlikdə vətəndaşları qəbul edib.