Energetika naziri Pərviz Şahbazov Səudiyyə Ərəbistanında bir sıra görüşlər keçirib

“OPEC plus” Nazirlərinin Birgə Monitorinq Komitəsinin 14-cü iclası çərçivəsində Energetika naziri Pərviz Şahbazov bir sıra görüşlər keçirib. Səudiyyə Ərəbistanının energetika, sənaye və təbii sərvətlər naziri Xalid Əbdüləziz Əl Falih ilə görüşdə qlobal neft bazarının cari vəziyyəti, öhdəliklərin icra səviyyəsi, qısa və uzunmüddətli perspektivdə gözləntilər, eləcə də ikitərəfli enerji əməkdaşlığına dair məsələlər müzakirə edilib.

Energetika naziri və nazir müavinləri cənub bölgəsində vətəndaşları qəbul edəcək

Azərbaycan Respublikasının Prezidenti İlham Əliyevin vətəndaşların təklif, irad və şikayətləri ilə yerində tanış olmaq üçün mərkəzi icra hakimiyyəti orqanlarının rəhbərlərinə verilmiş tapşırıq və tövsiyələrə uyğun olaraq, Energetika naziri Pərviz Şahbazov mayın 31-də Lənkəran şəhərində Lənkəran və Astara rayonlarından olan vətəndaşları qəbul edəcək.

Budapeştdə Qara dəniz hövzəsi ölkələrinin tənzimləyici orqanlarının birgə seminarı işə başlayıb

13-15 may 2019-cu il tarixlərində Enerji Tənzimləyicilərinin Regional Assosiasiyası (ERRA) və Kommunal Xidmətlərin Tənzimlənməsi üzrə Milli Assosiasiyanın (NARUC) təşkilatçılığı ilə Budapeştdə Qara dəniz hövzəsi ölkələrinin tənzimləyici orqanlarının təşəbbüs qrupunun (Black Sea Regulatory Initiative) növbəti texniki seminarı işə başlayıb.

Energetika Nazirliyində Ulu Öndərin anadan olmasının 96-cı ildönümü qeyd olunub

Xalqımızın ümummilli lideri Heydər Əliyevin anadan olmasının 96 illiyi münasibətilə Energetika Nazirliyində tədbir keçirilib. Energetika naziri Pərviz Şahbazov çıxış edərək bildirib ki, Ulu Öndər Heydər Əliyevin irəli sürdüyü inkişaf proqramları, kompleks tədbirlər, səmərəli kadr islahatları və idarəçilik metodları bütün sahələrdə, eləcə də enerji sektorunda uzunmüddətli inkişafın təməlini formalaşdırıb.

Azərbaycan Milli Neft Komitəsinin iclası keçirilib

Energetika naziri Pərviz Şahbazovun sədrliyi ilə Azərbaycan Milli Neft Komitəsinin ötənilki fəaliyyətinə və qarşıda duran vəzifələrə həsr edilmiş iclası keçirilib. Milli Neft Komitəsinin sədri, Energetika naziri Pərviz Şahbazov Milli Neft Komitəsinin 2005-ci ildə təsis edildiyini diqqətə çatdırıb. Azərbaycanın “Dünya Neft Şurası”na üzv kimi qəbulunda Ümummilli Lider Heydər Əliyevin Neft Strategiyasının rolunu xüsusi qeyd edib.

Energetika naziri vətəndaşları qəbul edib

Energetika naziri Pərviz Şahbazov nazirlikdə vətəndaşları qəbul edib. Qəbulda Bakı, Gəncə şəhərləri, Şəmkir, Astara, Biləsuvar, Xaçmaz rayonlarının sakinləri iştirak edib.