Energetika Nazirliyinin əməkdaşları beynəlxalq elmi-texniki konfransda iştirak ediblər

Energetika Nazirliyinin əməkdaşları cari ilin 24 dekabr tarixində Azərbaycan Dövlət Neft və Sənaye Universitetinin 100 illik yubileyinə həsr olunmuş kimya mühəndisliyinin aktual problemləri mövzusunda onlayn formatda keçirilən beynəlxalq elmi-texniki konfransda iştirak ediblər.
Konfransın ikinci sessiyasında Energetika Nazirliyinin nümayəndəsi Otel Hüseynov təqdimatla çıxış edib. “Azərbaycan Respublikasında neft-kimya sənayesinin inkişaf mərhələləri” adlı təqdimatda ölkəmizdə neft və neft-kimya sənayesinin tarixi və mövcud olan müəssisələr barədə məlumatlar yer alıb. Azərbaycan Respublikasının neft-kimya sənayesinin ölkə iqtisadiyyatının əsas seqmentlərindən biri olmaqla uzunmüddətli və sabit inkişaf yolunun formalaşmasında xüsusi rol oynadığı vurğulanıb. Çıxışın sonunda iştirakçıların sualları cavablandırılıb.
Konfransda, həmçinin bir çox tanınmış beynəlxalq universitetlərdən dəvət almış akademik və elm xadimləri tərəfindən müvafiq mövzuda təqdimatlar edilib.