İnformasiya təhlükəsizliyi mövzusunda maarifləndirici təlim keçirilib

Energetika Nazirliyində əməkdaşların informasiya təhlükəsizliyi sahəsində maarifləndirilməsi, kibertəhdidlərə qarşı tədbirli olmalarının təmin edilməsi, fərdi kibergigiyenaya diqqət və elektron təhlükələr barədə məlumatlandırılması məqsədilə “İnformasiya kommunikasiya texnologiyalarından istifadə və informasiya təhlükəsizliyi” mövzusunda təlim keçirilib.

Nazirliyin Elektron idarəetmə sektorunun müdiri Turan Bağırovun mövzu ilə əlaqədar təqdimatı dinlənilib, dövlət qurumlarında ən çox rast gəlinən kiberhücumlar, virusların növləri və onları aşkar etməyin yolları barədə ətraflı praktiki məlumat verilib, fişinq hücumlardan yayınmaq, şifrələrin daha təhlükəsiz olması üçün istifadə edilən simvollarla bağlı tövsiyələr dinlənilib, iştirakçıların sualları cavablandırılıb.