“Elektrik təchizatı şəbəkələrinə qoşulma” İşçi qrupunun iclası keçiriləcək

24 dekabr tarixində Biznes mühiti və beynəlxalq reytinqlər üzrə Komissiyanın “Elektrik təchizatı şəbəkələrinə qoşulma” işçi qrupunun videokonfrans formatında növbəti iclası keçiriləcək. İclas saat 10:00-da başlayacaq.

İclasda İşçi qrupun 2021-ci il üzrə Fəaliyyət Planında icrası tamamlanmamış tədbirlərin icra vəziyyəti nəzərdən keçiriləcək, 2022-ci il üçün Fəaliyyət Planının yekun layihəsinin müzakirəsi aparılacaq, həmçinin cari ilin 1 dekabr tarixində keçirilmiş iclasın Protokolunda qərara alınmış tədbirlərin icra vəziyyəti barədə məlumat veriləcək.

İşçi qrupun iclasında iştirak etmək istəyən hər kəs, o cümlədən özəl sektorun nümayəndələri aşağıda göstərilən keçid vasitəsilə Komissiyanın internet portalının (https://azranking.az) “Rəqəmsal Təqvim” səhifəsində yaradılmış “Təklif göndər” bölməsinə daxil olaraq müvafiq təkliflərini verə bilərlər.

https://azranking.az/az/protocols-announcements/%E2%80%9CElektrik%20t%C9%99chizat%C4%B1%20%C5%9F%C9%99b%C9%99k%C9%99l%C9%99rin%C9%99%20qo%C5%9Fulma%E2%80%9D%20i%C5%9F%C3%A7i%20qrupunun%20iclas%C4%B1-8.html