Ekoloji Biliklər Günü

15 aprel bütün dünyada Ekoloji Biliklər Günü kimi qeyd edilir. Bu günün tarixi 1992-ci ildə Rio-de-Janeyroda keçirilən BMT-nin ətraf mühit problemlərinə həsr olunan konfransından qaynaqlanır.

Günün təsis edilməsində əsas məqsəd maarifləndirmə yolu ilə cəmiyyətdə ekoloji mədəniyyətin  formalaşdırılması, insanın antropogen və texnogen fəaliyyətinin təsiri nəticəsində ətraf mühitin, onun amillərinin, təbii sərvətlərin, biosferin, ekosistemlərin, flora və faunanın məhvinin qarşısının alınması, həmçinin təbii enerji resurslarından dayanıqlı istifadənin təşviq edilməsidir.