Dünyada ilk dəfə tələbatından daha çox enerji istehsal edən yaşayış binası

Strasburq şəhərində yerləşən 16 mərtəbə, 63 mənzildən ibarət olan “Elithis Danube Tower”  2018-ci ildə inşa edilib və dünyada ilk dəfə tələbatından daha artıq enerji istehsal edən (energy positive) yaşayış binası hesab olunur. Bu tikili  sakinlərinin istehlak etdiyindən və binanın ehtiyaclarından daha çox bərpa olunan enerji istehsal edir. Binanın fasadında (790 m2) və damında (443 m2) quraşdırılmış günəş panelləri ehtiyacından 8% artıq  elektrik enerjisi istehsal edərək elektrik şəbəkəsinə satır.