Energetika Nazirliyi daxili müsahibə elan edib

Azərbaycan Respublikasının Energetika Nazirliyinin Elektroenergetika və enerji səmərəliliyi şöbəsinin Enerji səmərəliliyi sektorunun baş məsləhətçisi, Maliyyə şöbəsinin müdir müavini və Ümumi şöbənin Vətəndaşların qəbulu işinin təşkili sektorunun böyük məsləhətçisi vakant dövlət qulluğu vəzifələrinin tutulması ilə bağlı 24 avqust tarixində daxili müsahibə elan edib.

Daxili müsahibədə vakant vəzifəni təqdim etmiş dövlət orqanında inzibati vəzifələrdə qulluq keçən və inzibati vəzifələrin təsnifatına uyğun ixtisas dərəcəsi olan dövlət qulluqçuları,  dövlət orqanının ləğvi, dövlət qulluqçularının sayının və ya ştatlarının ixtisarı ilə əlaqədar Energetika Nazirliyində ehtiyat kadr kimi saxlanılan şəxslər iştirak edə bilərlər.

Daxili müsahibədə iştirak etmək istəyən namizədlər 12 sentyabr 2022-ci il tarixi saat 18:00-dək Dövlət İmtahan Mərkəzinin internet portalında “Dövlət qulluğu üzrə müraciət Forması”nı doldurmaqla qeydiyyatdan keçməlidirlər.

Elan üzrə sənəd qəbulu yalnız Dövlət İmtahan Mərkəzinin internet portalı vasitəsilə elektron qaydada həyata keçirilir. Daxili müsahibədə iştirak etmək üçün aşağıdakı sənədlərin skan olunmuş variantı onlayn qeydiyyat zamanı müraciət formasına əlavə edilməlidir:

ali təhsil haqqında sənədin surəti;

əmək kitabçasının surəti.

Müsahibədə iştirak üçün müraciət edən namizəd "Dövlət qulluğu haqqında" Azərbaycan Respublikası Qanununun 27-ci maddəsinin və qanunvericiliklə müəyyən olunmuş vakant vəzifələrin tutulmasının ümumi şərtlərinin tələblərinə cavab verməlidir. Vakant vəzifə üzrə müəyyən edilmiş tələblərə cavab verməyən namizəd müsahibədə iştirak edə bilməz.

Namizədlər daxili müsahibə ilə bağlı ətraflı məlumatı Dövlət İmtahan Mərkəzinin rəsmi internet səhifəsindən əldə edə bilərlər:

https://exidmet.dim.gov.az/dqq/Elan/DxMshMshElanList?ElanID=501