Energetika naziri Kürdəmirdə, nazir müavinləri Göyçay və Zərdabda vətəndaşları qəbul edib

 

Mərkəzi icra hakimiyyəti orqanları rəhbərlərinin və onların müavinlərinin regionlarda vətəndaş qəbulu qrafikinə uyğun olaraq, dekabrın 20-də Energetika naziri Pərviz Şahbazov Kürdəmir şəhərində Enerji Məsələlərini Tənzimləmə Agentliyinin Kürdəmir filialının inzibati binasında vətəndaşları qəbul edib. Həmin gün Energetika nazirinin müavini Samir Vəliyev Göyçayda, nazir müavini Elnur Soltanov isə Zərdab şəhərində vətəndaşlarla görüşüb.

Qəbuldan öncə nazir Pərviz Şahbazov və Kürdəmir Rayon İcra Hakimiyyətinin başçısı Ceyhun Cəfərov rayonun mərkəzində ucaldılmış ümummilli lider Heydər Əliyevin abidəsini ziyarət edərək önünə gül dəstəsi qoyub və xatirəsini ehtiramla yad ediblər.        

Qəbul zamanı vətəndaşlar enerji təchizatı şəbəkəsinə qoşulma, texniki şərtin alınması, elektrik enerjisinin keyfiyyəti, elektrik enerjisinə görə yaranmış borc və cərimələr, sahibkarlıq obyektlərinin elektrik enerjisi ilə təchizatı, sayğaclaşdırma, enerji təchizatında yaranan fasilələr, təbii qaz təchizatı, işlə təminat və digər məsələlərlə bağlı müraciətlərini diqqətə çatdırıblar.   

Energetika Nazirliyinin aidiyyəti struktur bölmələrinin nümayəndələrinin iştirakı ilə keçirilmiş qəbullarda vətəndaşların müraciətləri dinlənilib və qanunvericiliyin tələblərinə uyğun həll edilməsi üçün müvafiq tapşırıqlar verilib. Nazirliyin fəaliyyət dairəsinə aid olmayan müraciətlər müvafiq qurumlara çatdırılması üçün qeydiyyata alınıb.

Ümumilikdə qəbullarda Kürdəmir, Ucar, Göyçay, Zərdab və Ağsu rayonlarından gələn 25 vətəndaşın müraciətinə baxılıb.

image00003

image00006

image00017

image00010

IMG 2513

IMG 2524

343339b3 4b3f 4301 978d ab2468553dc4

c35c24f0 dd1d 4807 adcd f46d958959f8

Saytda yerləşdirilən məlumatlar və saytın dizaynı. © Energetika Nazirliyi 2018. Bütün hüquqlar qorunub

Please publish modules in offcanvas position.