Rövşən Şakir oğlu Kərimov 

1963-cü ildə Bakı şəhərində anadan olub.

1986-cı ildə T.Q.Şevçenko adına  Kiyev Dövlət Universitetinin beynəlxalq münasibətlər və beynəlxalq hüquq fakultəsinin beynəlxalq iqtisadi münasibətlər bölməsini bitirib.

1986-1990-cı illərdə S.M.Kirov adına Azərbaycan Dövlət Universitetində pedaqoji fəaliyyətlə məşğul olub.

1990-1992-ci illərdə Azərbaycan Respublikasının Nazirlər Kabineti yanında Xarici ölkələrlə iqtisadi əlaqələr Komissiyasında müxtəlif vəzifələrdə çalışıb.

1992-1995-ci illərdə  Azərbaycan Respublikasının Xarici İqtisadi Əlaqələr Nazirliyində şöbə rəisinin müavini, şöbə rəisi, idarə rəisi və müşavir işləyib.
1996-2011-ci illərdə “Azərbaycan Beynəlxalq Bankı” ASC-də müxtəlif vəzifələrdə çalışıb.

2011-2017-ci illərdə Azərbaycan Respublikasının Maliyyə Nazirliyində şöbə müdiri və nazirin müşaviri vəzifələrində fəaliyyət göstərib.

2017-2018-ci illərdə  Standartlaşma, Metrologiya və Patent üzrə Dövlət Komitəsində işləyib. 

2018-ci ildən Azərbaycan Respublikası Energetika Nazirliyində Aparat rəhbərinin müavini vəzifəsində çalışır. 

 İqtisad üzrə fəlsəfə doktorudur.

Azərbaycan, rus və ingilis dillərində sərbəst danışır.

Ailəlidir, 2 övladı var.

 

Telefon: (+99412) 598-16-53/54

E-poçt: rovshan.karimov@minenergy.gov.az


 

Seymur Bəhram oğlu İsmayılov

 

1982-ci ildə Xocavənd rayonunda anadan olub.

2003-cü ildə Bakı Dövlət Universitetinin Hüquq fakültəsinin “Hüquqşünaslıq” istiqaməti üzrə bakalavr pilləsini bitirib.  2005-ci ildə həmin fakültənin magistr pilləsini fərqlənmə diplomu ilə başa vuraraq magistr dərəcəsini alıb.

2005-2006-cı illərdə həqiqi hərbi xidmətdə olub.

2007-2017-ci illərdə Azərbaycan Respublikasının Ədliyyə Nazirliyinin Ağır Cinayətlərə Dair işlər üzrə Azərbaycan Respublikası Hərbi Məhkəməsində Məhkəmə nəzarətçiləri şöbəsində, Ədliyyə Nazirliyi Aparatının Qanunvericilik baş idarəsində, Qeydiyyat və notariat baş idarəsində müxtəlif vəzifələrdə çalışıb. Ədliyyə orqanlarına qulluğa qəbul ilə bağlı İxtisas Komissiyasının üzvü olub.

Azərbaycan Respublikası Prezidentinin 2014-cü il 25 iyun tarixli 580 nömrəli Sərəncamı ilə “Dövlət qulluğunda fərqlənməyə görə” medalı ilə təltif edilib.

2017-ci 29 noyabr tarixində Azərbaycan Respublikası Energetika Nazirliyinin baş məsləhətçisi-kollegiyanın məsul katibi vəzifəsinə təyin olunub.

2018-ci ilin 24 yanvar tarixindən Azərbaycan Respublikası Energetika Nazirliyinin Aparat rəhbərinin müavini-Daxili nəzarət şöbəsinin müdiri vəzifəsini icra edib.

2018-ci ilin 10 sentyabr tarixdən Azərbaycan Respublikası Energetika Nazirliyinin Aparat rəhbərinin müavini - Daxili nəzarət şöbəsinin müdiri  vəzifəsinə təyin edilib. 

Ailəlidir, 3 övladı var.

 

Telefon: (+99412) 598-16-53/54

E-poçt: seymur.ismayilov@minenergy.gov.az